„ბათუმის წყალის“ ქოლცენტრის თანამშრომლებს „ეფექტიანი კომუნიკაციისა და სერვის +“ ტრენინგი ჩაუტარდათ
მიმდინარე წლის 8-9 სექტემბერს „ბათუმის წყალის“ ქოლცენტრის თანამშრომლებს „ეფექტიანი კომუნიკაციისა და სერვის +“ ტრენინგი ჩაუტარდათ.
ტრენინგის შედეგად თანამშრომლებმა შეისწავლეს შედეგზე ორიენტირებული კომუნიკაციის პროცესის თავისებურებები, სწორად მომსახურების სტანდარტები და საჭირო უნარები. დაეუფლნენ უკუკავშირის მართვის მექანიზმებს, ანალიზსა და ინდივიდუალური მიდგომის ფორმირებას. ასევე, ეფექტურ კომუნიკაციას, მომსახურების ხარისხის მართვასა და მომხმარებლის საჭიროების ანალიზს.
ტრენინგს უძღვებოდა საჯარო მმართველობის დოქტორი, პროფესორი, მართვისა და კომუნიკაციის საერთაშორისო სასწავლო უნივერსიტეტის „ალტერბრიჯი“ დამფუძნებელი და რექტორი - ნათია გოცაძე.
