ქვედა სალიბაურში წყალმომარაგების ახალი ქსელის მშენებლობა მიმდინარეობს. აღნიშნულ დასახლებაში, ამ დრომდე, წყალმომარაგების ცენტრალიზებული სისტემა არ არსებობდა; მოსახლეობა ჭაბურღილებითა და წყაროს წყლით სარგებლობდა. სამუშაოების დასრულების შემდეგ წყალმომარაგების ახალი ქსელით დაახლოებით 30 ოჯახი ისარგებლებს. 

წყალმომარაგების ახალი ქსელის მშენებლობა გრძელდება ხელვაჩაურის მიმართულებით. ამჟამად, სამუშაოები ივანე მესხის ქუჩაზე მიმდინარეობს. აღნიშნულ მისამართზე წყალმომარაგების ახალი ქსელით დაახლოებით 100 ოჯახი ისარგებლებს.