ჩაქვის საჯარო სკოლის მოსწავლეებმა ჩაქვის წყლის სათავე ნაგებობა დაათვალიერეს.
კამპანიის მიზანია წყლის, როგორც ამოწურვადი ბუნებრივი რესურსის, მნიშვნელობის შესახებ მოზარდი თაობის ჩართულობით საზოგადოების ცნობიერების ამაღლება.
სკოლის მოსწავლეებმა ადგილზე დაათვალიერეს წყალმომარაგების სათავე ნაგებობა და გაეცნენ წყლის ხარისხის ლაბორატორიაში მიმდინარე პროცესებს. წყლის მოპოვებისა და მომხმარებლამდე მიწოდების სრულ ციკლს, ნედლი წყლის გარემოდან მოპოვებისა და სასმელ წყლამდე დაყვანამდე. მოსწავლეებმა მიიღეს ინფორმაცია, თუ როგორ ხდება სასმელი წყლის ხარისხის კონტროლი „ბათუმის წყლის“ ლაბორატორიაში.
ღონისძიების ფარგლებში სკოლის მოსწავლეებმა მიიღეს ინფორმაცია სასმელი წყლის დაზოგვის, გაფრთხილების აუცილებლობასა და მნიშვნელობაზე.
