წყალარინების ქსელისა და სატუმბი სადგურების მშენებლობა-რეაბილიტაცია მიმდინარეობს სარფის, გონიოს, კვარიათის, ახალსოფლისა და ვარშანიძის ქუჩის მიმდებარე ტერიტორიებზე.

პროექტის ფარგლებში უკვე დასრულდა:

• ადლია-ახალსოფლის დამაკავშირებელი 400 დიამეტრიანი, 2800 მ. სიგრძის მილის მოწყობა

• ვარშანიძის ქუჩაზე 670 მ. საწნევო მილისა და მიწისქვეშა სატუმბი სადგურის მშენებლობა.

ამ ეტაპზე მიმდინარეობს ადლია-ახალსოფლის წყალარინების ხაზისა და ახალსოფლის წყალარინების სატუმბი სადგურის მშენებლობა.

აღნიშნული პროექტის ფარგლებში დაგეგმილია:

• სარფის, კვარიათის, გონიოს, ახალსოფლის, წყალარინების ქსელისა და წყალარინების სადგურების რეაბილიტაცია-მშენებლობა

• მამია ვარშანიძის ქუჩის მიმდებარე ტერიტორიაზე წყალარინების საწნევო სადგურის მოწყობა

•თამარის დასახლებაში სატუმბი სადგურის ელევატორებისა და შემოდინების ჩამკეტების რეაბილიტაცია-მშენებლობა.